كلمات أغنية هوه

تاخذ ملامح من وليفي لولا عيونك قلت انا هوه

يا الذوق يالجنس اللطيفي اشك واجزم انك اخوه

شكلك على ذوقي وكيفي عينك تخبي سر مشبوه

في موقها قلبي وطيفي لو طالع العراف شافوه

ما بينكم فرق طفيفي واظن للتمويه سووه

الخشم كالسيف الرهيفي جروه من غمده وسلوه

تحت الغشا برق رفيفي ياضي وعربانه تحفوه

والعنق ظبي مستريفي فز ويفل والخوف يحدوه

والصدر بستانه خريف متحمل والثوب يحفوه

ومضمره ترفن نحيفي بطران يشبه خنجر ابوه

والردف بحموله كليفي مكلوف دواره ويشكوه

عقلي يشك انه وليفي متنكرن في صورة اخوه

من اعماله : وين ذيك الليالي | الى متى | زين لو بطري