كلمات أغنية حرب باردة

حرب بارده وخلق مرضى وناس حيتان
كله بقا مغشوش وفلصو مفيش ضمان
واللي ماشي في الزمن دا اللعب على الحبلين
تزرع رجوله قيراط تحصد نداله فدان

قلوبنا شايله وغلنا بقا جاي ورايح
والضمير وقع اتكسر ركب شرايح
لاء والغريبه عن عيوبنا كمان عمينا
وبـ سبحه ماشين نفتري وندي فـ نصايح

جو ملبش كله بيهبش
بقا جو ملغم ومكهرب
كله ف ضهرك فجاه بيضرب
بيسهوك والضرب بيوجع
وانت معاهم اخ ومجدع
اول بس ما تسرح حبه
يقرصو فيك قرصة 100 عقرب

باب الخير مقفول ومعصلج
ماشيه دراع والكل مبلطج
واللي في شده بتسند ضهره
يكسر رجلك عاوزك تعرج
غارزين في جحودنا اتوحلنا
وحرامنا تايه في حلالنا
بقينا بناذي وعقلنا مؤذي
في الشر محدش حصلنا

عدينا كل خطوطنا الحمرا
شغلنا بقا اسافين ومغامره
تبقا الطيبه مجرد نمره

غل قلوب ملاكي واجره
والخير بقا مقطوع من شجره
لما لاقى الشر ااتكمن
سابنا وقدم لطلب هجره

جو ملبش كله بيهبش
بقا جو ملغم ومكهرب
قبل ما حتى تفكر ترمش
كله ف ضهرك فجاه بيضرب
بيسهوك والضرب بيوجع
وانت معاهم اخ ومجدع
اول بس ما تسرح حبه
يقرصو فيك قرصة 100 عقرب

باب الخير مقفول ومعصلج
ماشيه دراع والكل مبلطج
واللي في شده بتسند ضهره
يكسر رجلك عاوزك تعرج
غارزين في جحودنا اتوحلنا
وحرامنا تايه في حلالنا
بقينا بناذي وعقلنا مؤذي
في الشر محدش حصلنا