كلمات أغنية جيل التسعينات

لياقة الشعار فالشعر بيتين
وانا تقول اني مدرب لياقه

الي يميز بعضهم شكله الزين
انيق وبيوته مافيها اناقه

وانا ليا غنيت ياليل ياعين
بسحب بطايقهم بطاقه بطاقه

يابندر ابن سرور لو عايش الحين
بتقول مثلي يلعنم الطفاقه

احسني بيني وبينك علاقه

اما تصادقنا وصرنا اقرب ثنين
ولا تعادينا بلاشي صداقه

لا ياوجودي يامواليد تسعين
تقول مسروقين فيه انسراقه

الواحد الله خالقه بين جيلين
ومحدن يبي من جيله الا فراقه

لاشايب ولاهوب مثل الوراعين
ولاهو مع المعزا ولاهوب ناقه

انا بلاني ربي بحظي الشين
والله بلاك بناس فيها طفاقه

قالو عليك بيوت شعرك دقاقه

والي يحاول يحجب الشمس بتبين
عزالله انه وسط راسه حماقه

ماهوب شروا الي على الطيب ماشين
الي لهم من جزل الابيات باقه

الي على بالي طرو يوم الاثنين
بين المنام ولحظة الاستفاقة

ياحي والله روسكم يالدماسين
يالي لكم مع كل طالة علاقة

و محمد الوهاب سقم المعادين
الطيب دايم رغبته واشتياقه

سماه عودن في سباق الميامين
يتعب وراه الي يحاول سباقه

هذا الحصان الي يدك الميادين
عودن على الميدان عنده لياقه

سوالفه في وسط بالي لهالحين
يقول ريح العود بعد انحراقه

والفعل يبقى لو تذوق الامرين
ويروح مر الفعل وتنسى مذاقه

وريث طيب الفعل والراس والدين
والحين فعله من يحاول لحاقه

هذاك واحد مانخلق مثله اثنين
اطيب خوي مع طيبين الرفاقه

واطيب خوي في عام عشرين عشرين
صداقتك يامحمد اطيب صداقه

ياعزتي للي يخاوي رديين
العز والله ماتهنى مذاقه

مثل الكريم الي خواله بخيلين
لو قدم الجزلات قالو دقاقه

لو كان طيب راس وعزوم ويدين
الناس قالو عنه عقاب ساقه

الناس غير الناس في وقتنا الحين
نحكم على اخر اسم فالبطاقه

والموقف الي صارلي قبل يومين
فرحت في سمعتك فرحة صداقه

سمعت بفعولك وانا عارفك زين
كنك تشفق للطراقي شفاقة

قالو كريمن يضرب الدين بالدين
وقمت اتنومس فيك بين الرفاقه

ثم صرت كني من عيال السلاطين
وانا ولد عودن ماتوخذ نياقه