كلمات أغنية يمكن ارجعلك

اذا طار السمك بسماي

واذا نام الصقر بالماي

بعدها عود أنا يا هواي

افكر يَمكن ارجعلك

اذا مطرت ترى بتموز

واذا النخلة تخضّر موز

واذا التينة تذبلك لوز

افكر يمكن ارجعلك

بعد لا فن الوليلك

واصفكلك واغنيلك

على غيري تشد حيلك

تحلم عيني تدمعلك

اذا رايد الك ارجع

شوفني الحجر يدمع

بعدها يمكن انا اقنع

وانسى الي جرى والصار

اذا رايدني احبك حيل

شوفني الشمس بليل

بعدها انسى انا الويل

وافكر يمكن ارجعلك

اصحى وكافي لاتحلم

ارد ردود بيك اهتم

لو تبكي عليه دم

يا دمعة اللي تشفعلك

اذا الاعمى يدلي الناس

واذا الشجره تحب الفاس

بعدها يصير عندي احساس

وافكر يمكن ارجعلك

اذا الشمعة تطفي دموع

واذا اللحظه تصير اسبوع

بعدها انهي الموضوع

وافكر يمكن ارجعلك

اذا الغربه تريح العين

واذا الواحد يصير الفين

ياقاسي عود انا بعدين

افكر يمكن ارجعلك