كلمات أغنية البارحه هاجت اشواق العمر
البارحه هاجت اشواق العمر كلها البارحه
وحنيت الك باكبر همومي البارحه
حنيت الك حنه غريب ويذكر احبابه بعد غيبه وسفر
شايف حنين العمر لايام الصبا يتمنى يرجع ساعه لايام الصغر
شايف حنين الصيف لايامه اذا جاه الشتا
هاكثر يلتم حزن مابين الشجر
شايف حنين الارض في قيظ الزمن
تنفطر ملهوفه على قطره مطر
شايف حنين الطير من يعود في وقت الغروب لعشه
ومايلقى وليفه والشمس غابت ولاعنده خبر
حنيت الك
وردتك تعاشرني ابدال انجوم كانت سارحه
نجمه تسامرني غصب ونجمه تكلي رايحه
البارحه
البارحه وصيت الك
وياما البحر ضيع وصايا السفن والسفانه
وصيت الك
وياما الدهر غرق اشواق العاشق باحزانه
وصيت الك
وياما الوطن ضيع عناوين الاحبه وي عنوانه
وصيت الك
وصيت الك حتى العصافير الزغار الفرحت دنيانه
طارت ابشوقي امغبشه ماخذها الهوى فرحانه
ولما ذبل ورد الصبر
رجعت لي مهمومه يعيني وهاكثر حزنانه
وطاحت هموم الليل فوق اجفوني
وي مجرى الدموع الجارحه
والمشكله نجمه تسامرني غصب ونجمه تكلي رايحه
البارحه
غنيت الك كل الاغاني اللي تحبها البارحه
وردتك تجي
وكنت احسب العشاق يلتمون عندي البارحه
وبلكت تجي
ولميت الك كل الاشعار العندي حتى احكيلك
احلى الكلام اللي يبوس اعيونك ويضوي لك
وردتك تجي لابس قوافي الذهب كلها اللي صغتها ابحبك
و حتى اشكيلك
اشكيلك من الدهر عذبني بغيابك ويزعل من اغنيلك
اشكيلك من الغدر من كثر الانذال السرقوا اشعاري ومواويلك
اشكيلك من الدنيا ماترضالي ازرع لك ورد بالوطن وازهي لك
ردتك تجي
لكن الظلمه خيمت واسمع انين العاشقين ابقلب هذا الليل
كلمن فاقد احبابه غصب وكل يوم يسمع نايحه
البارحه
البارحه صوتك اسمعه يعتب من ابعيد اسمعه
منين اصيح امنين
ياصوت النخل بالريح يبكي ودمعي دمعه
منين اصيح امنين
ياصوت الوطن مذبوح وماكو احد يسمعه
منين اصيح امنين
يحبيب شقيق الروح ياحلم المحبه الغرق في دمعه
ياصوت العراق ابكل سجن مسجون وياقمره تطلعه
منين اصيح امنين
كان الدنيا تبعد وابعد اوياها واسمعه
البارحه
والمشكله نجمه تسامرني غصب ونجمه تكلي رايحه
البارحه