كلمات أغنية سوء اختيار

قول يا ظالم وجبها فيا
إنك طلعت إنت الضحية
وهات عيوبك وارمي عليا
ورجعت لـ100 خطوة ورا

إنت مريض وإنسان أناني
إنت اللي جرحتني وبتعاني
نفس الأذى هتشوفه فيك
دين تدان واحفظ كلامي

اللازمة
مع السلامة يا سوء اختيار
مطلعتش يعني أنا من الجنة
ده أنا كنت عايشة معاك في نار

يا راجل بس بالكلام
ده الهروب منك أمان
جايز يكون تكفير ذنوب
وأنا مش ملاك يا أكبر شيطان

خدت درس بـ100 قلم
مكتوب بوجعي اللي اتظلم
بعدك مفيش أي ندم
ده وجودك أكبر كارثة

لو مظلوم بص في عينيا
شوف جراحك والأذية
أنا شوفت ياما منك قاسية
وما سبتليش أي فرصة