كلمات أغنية بتخيرها
بتخيرها بيني وبينك
طب خليك فاكر مش ناسي
إنت بتتحدى بملايينك وانا بتحدى بإحساسي
صدقنى مش مسموحلك
مشاعرها مش هتروحلك
لو عندك مال الدنيا لو ألف طريق مفتوحلك
شوف مين فينا اللى هيكسب
اللي بيشترى وبيحسب
ولا اللى بكل كلمه يوهبها كوكب ماسي
اوهبها قصر غالي هتروح لقصور خيالي
لالا ماتقولش باعتني لأ قول إنت إشتريتها
مين قال انها خدعتني دي خدعت نفسها وباعتها
أبداً مش ضعف مني هيا ضعفت سابتني
مش انت اللي هزمتني لأ هيا اللى خسرتني
قولتلها ساعتها ارتحتي؟ كده حاسه ان انتي نجحتي
مش حاسه ان انتى اتباعتي مش حاسه ان انتى جرحتي
ومشيت ولا حاسس بيها ولا عمرى هفكر فيها
والشمس بتيجي عليا والضلمه بتيجي عليها