كلمات أغنية هذا قراري

سر ياقلم كنك من الحبر جفيت
لي مدت ماقد كتبت القصيده
اثر عليه ناعس الطرف ونيت
كل ونة تحمل بيوت جديده
العين تسال ياقلب ويش سويت
انت الوحيد اللي تعرف العنيده
الصادق اللي في مواقف تلقيت
كل الجروح المدميه من شديده
الوافي اللي في صعايب تصديت
كل البلاوي في ظروفي مديده
تروح مده وفي غيابك تغنيت
كل الحزن في غيبتك لك طريده
والعقل ماحكم عقايب عضيده
المشكلة لا ابتعد قمت حنيت
الحب بلوى والبلاء ما نريده
ياقلب لا تحزن وانا اليوم قفيت
هذا قراري وبترك اليوم ايده
سالت دموعي يوم اقبل و سهيت
اطلق سراحي فك للقلب قيده
من قبل مايقفي تكلم ورديت
وتقول لا تغلط وتخسر فريده
صل استخاره مثل مارحت صليت
يمكن قرارك صعب تقدر تعيده
وانا قراري صح من يوم قفيت
ترا المقفي في سلمنا ما نريده
والله في وسط الحشا نار شبيت
روح ونارك في الحشاء لا تزيده
قم شلها يا زايد البيت لك بيت
ترا ابن حابش في بيوته تزيده