كلمات أغنية قم شغل الجيب الرمادي

قم شغل الجيب الرمادي وعبه
اكتانن احمر رقم خمسه و تسعين
وازهم على قروب الوفا والمحبه
عطهم خبر حنا على الدرب ماشين
صوب الديار المسفره دون لمبه
ضو القمر نوره ونور احمر العين
الوادي اللي كل مطلق يطبه
ترج البطوله والوفا والسلاطين
اللي جبلهم شامخ مثل قبه
ماكر حرار وكل ابوهم شياهين
نعم الرجال وكل كفو ونعم به
ماهو نعم واحد ولكن ملايين
خوة نقا ماهي بخوة رديين
واللي ما يلحقنا الاذى والمسبه
نوفي معه لو كانت اوضاعنا تشين
ومانتبع المقفي لو انا نحبه
مايتبع المقفي ياغير الضعيفين
مانقول لا يمكن يعود اربه
انقول يذلف والاوادم ملايين
اللي يروح بغير داعي وسبه
كيفه وحنا عالوفا دوم باقين
الحزن لا يظهر على الوجه خبه
مردها بتزين والوقت بيزين
اخذ الصحيح وزبدت القاف لبه
يغنيك عن باقي الطواريق شطرين
الراضي بمكتوب ربي وربه
يرضيه خلاق السما والاراضين