كلمات أغنية امي

بكتب قصايد حب وغزل
للشايلي همي
بعمل نجومك ياليل
ساعة بأيد أمي
تعبتي فيني لكبرتيني
والحمل كان تقيل
دوري ردلك معروفك
شو ماعملتلك قليل

لو فيني أعطيكي سنيني
عوضك عن كل شي تقبريني
ياما اتعبتي واغمرتيني
ياما الدنيا وقفت ضدي
بقسوت إيامي كنتي حدي
قوليلي كيف مابدي
شوفك عالية المقام

ماكنت توفقت بهالدنيا
يا أمي لولاكي
وقفت على حيلي بدعواتك
توفقت برضاكي
كنت لما أمرض وقول الآه
ماتوقف دموعك
كإنو الوجع مش فيي
الوجع بين ضلوعك