كلمات أغنية توام روحي

ياتوام روحي يا بنتي و صديقه عمري وايامي
اميره روحي اختي امي نور عيوني الثنتين
ياحظ عيني وانا اشوفك كبرتي وصرتي قدامي
عروس في ابتسامتها حياتي والاماني اتزين

هلا بك يالعنود و يا غلاي و مصدر الهامي
وضنا قلبي الحنون اللي من الرقه وزود اللين
تجين وكن ممشاك الضلوع ووجهك احلامي
تجين وتنطق عيوني تبارك من خلق هالزين

زفافك توج افراحي و نور باقي اعوامي
يا عزوه تركي و عبدالعزيز اخوانك الغالين
وانا من فرحتي عيت تشيل احساسي اقدامي
ومن كبر السعاده طار لك قلبي بلا جناحين

احبك كلمه يا بنتي بعدها ترفع اقلامي
وش اغلى منك في صدري يانسل الجود والوافين
ضناي وبنت ابوها الغاليه اللي قدرها سامي
وحفيده جدها عبدالمجيد اللي خدم بيتين

يصونك ربي يا روحي وبعد سلطانه وايامي
ويجمع قلبك بماجد ويسعدكم عمر وسنين
واشوف عيالك ينادونك امي وانتي قدامي
تعيشين بسعاده و بمحبه دايمه امين