كلمات أغنية جاري يا جاري

جارى يا جارى يا حتة سكرة
خلقك ضيق قايسينه بمسطرة
لكن دمك خفيف والضحكة منورة
رمضان عايزك لطيف ما كفاية زمجرة
جارى يا جارى ياللى مأجر جديد
شغال تكسير فى الحيطة ومصحى قريب وبعيد
مع إن كلامك سكر بيلين الحديد
اللمة هنا فايتاك رمضان عايزك سعيد
جارتى حبيبتى صديقة الحيوانات
عندها كلبة جولدن بتهوهو بالساعات
مستحمل أي حاجة علشان ست الستات
ده الكل بيشهد ليها من طبق الحلويات
استاذ مجدي عاملي مشكلة
راكن عربيته بالطول وحاطلي سلسلة
الفرقة هنا ناقصاك متسبش الجول كده
شهر الخير هل علينا بس انت تعالى هنا
وانتى يا سوسة قعدالى فى أول دور
عارفة حكاوى الناس واحد واحد بالدور
لكن بتحلى مشاكل أحسن من الدكتور
هفطر أول يوم عندك وعندى ع السحور
شكري يا جاري حبيبنا من زمان
دايما ساكت ومقفل البيبان
لما بنحتاس فى حاجة أول واحد بتبان
إظهر عايزين نشوفك رمضان الدار آمان
جارى يا جارى يا حتة مننا
جه الوقت نقرب ونلم شملنا
رمضان كريم عليك وعلينا كلنا
رمضان كريم عليك وعلينا كلنا
جارك هو أقرب واحد ليك بس بعيد عنك
رمضان كريم عليك وعلينا كلنا