كلمات أغنية قدر قدر
قدر قدر وهذا انا نفس المشاعر والقدر
نفس الشعور اللي يمر الوقت صعبه فارقه
ولكن انا مثل النخيل الشامخة ومثل الشجر
يقسى زماني وابتسم للوقت وانا وارقه
تعال اسولف لك عن اللي صار يا حص البحر
نفوس خلق الله غدرت عقب المحبة فارقه
مدري وش اللي صار يا اغلى الناس يا طيب البشر
كل شيء نفس الشيء بس الطيب حد سارقه
وانا لفيتك تارك الدنيا وراء ظهري ضجر
يا موسع الدنيا وعندي كل يوم ضايقه
ارحل مع طيفك بعيد اشجار عناب ونهر
والقاك من كثر الضياء كالشمس دايم شارقه
وابوس يمنى كفك اللي كان لايامي عمر
كف حشمني من غثاء الدنيا وعيني غارقه
كف معلمني الحياة وكان لاحزاني صبر
واليوم ضاقت دنيتي ويا ليت بس اعانقه
لو ان قربك ينشرى قدمت لك عمري مهر
ولكن حكم الله علي اني رضيت افارقه
لكن انا بطيفك اعيش الليل باشواق وسهر
يا حي طيفك واللفى والليل عندي سايقه
وعلى يميني ذكريات الشوق والبوم وصور
تتفتح ابواب الحياة اللي بعيني غالقه
انت لي الدنيا وكل الناس يا حص البحر
تبقين في عيني شموخ الطيب وانت شامخه