كلمات أغنية اوعى تسيبيني

اوعي تسيبيني اصل انا بستقوى بيكي
انا مش بخاف من الدنيا غير بس عليكي
اقرب ما ليا انتي واغلى حاجه عندي
لو وقعتني الدنيا بتسند عليكي

انا روحي فيكي اوعى عني في يوم تروحي
يا سندي ياللي تملي بتداوي في جروحي
ماليش حد غيرك احكي له ولا اشكي له
انا زي ضلك معاكي مطرح ما هتروحي

مين مين في الحياة
هيحس بيا لو بعدتي أو مشيتي
خليكي دايما جنبي ايدك ماسكه ايدي

آمان انتي الامان
انا من غيرك ايوه ظهري بينحني
ازاي هعيش ازاي
من غير ما تبقي جنبي بعدك هديني

وهتسوى إيه حياتي لو مش فيها إنتي
لو خدت روحي عشان تعيشي انا هبقى مرضي
انا قلبي بيحس بأمان طول ما انتي جنبي
ما تبعديش وما تكسريش روحي وقلبي

لو باقي في العمر دقيقه اعيشها جنبك
استغنى عن كل البشر ولا استغنى عنك
برتاح في حضنك يلي ما في احن منك
لو ألف كل الدنيا عمري ما هلقى زيك

هيحس بيا لو بعدتي أو مشيتي
هعيش هعيش لمين
من غير ما تبقي جنبي ايدك ماسكه ايدي

آمان انتي الامان
انا من غيرك ايوه ظهري بينحني
ازاي هعيش ازاي
من غير ما تبقي جنبي بعدك هديني