كلمات أغنية بدل ماضي
- كلمات
- مازن ضاهر
- ألحان
- فضل سليمان
صارت حياة الناس كلا شريعة غاب
لما اختفى الإحساس ومن قلوبن غاب
يللي إلو حق بياخد حقو من غريمو
واللي قدر يقوى برافو تعلم من قديمو
الدنيي ساحة حرب
يللي ما بيوقف لحالو ما حدا بيقيمو
وحدو الحب اللي بيشفينا
من الكره اللي عايش فينا
وحدا الدنيي ال بتحاسبنا
بتاخد عا ذوقا وتعطينا
متل ما في شخص راضي في شخص زعلان
متل ما في حكي فاضي في صمت مليان
مرات وسع الكون يا ناس ما بدنا
بدنا حضن ضيق يبقى على قدنا
بدنا بدل ماضي
يمحي الذكريات البشعة وما يجي ضدنا
وحدو الحب اللي بيشفينا
من الكره اللي عايش فينا
وحدا الدنيي ال بتحاسبنا
بتاخد عا ذوقا وتعطينا