كلمات أغنية اجمل ام مصرية
يا ام المصري ياغالية بسمي بربي وبعهدك
لاخر ثانية في الدنيا هعيش دايما شايل اسمك
في كل بلد هخطيها يا امي هشرفك فيها واحلامك هعديها
وكله يهون علشان خاطرك يا امي
يا امي انتي اللي ربيتي وتعبك فينا مش هيروح
وهنرد الجميل ليكي ولو حتى بطلوع الروح يا ياامي
تعبتى عشاني طول عمري وياما سهرتي من غير نوم
وكنتي في سكتي جنبي وكبرتيني يوم ورا يوم
في حضنك عشتي واخداني وداعيالي وشايلاني
ودايما كنتي شايفاني انا في كوم والحياة دي في كوم يا امي
يا اجمل ام مصرية يا مالية الدنيا دي بابطال
كانت ربايتها وطنية وحرية تهد جبال
هعيش دايما رافع راسك وابوس ايدك وابوس راسك
جميلك شايله فوق راسي ولازم ارده بالافعال يا امي