كلمات أغنية ما عاد في الاحلام

ما عاد في الاحلام حاجة تستحق
اتعب وراها وانتظرها كل يوم
واللي فرق ها الحين عندي ما فرق
غاب القمر والليل تملاه النجوم

واللي بغيته راح راح ولا انطلق
ولا عطاني لا وعد ولا علوم
واللي عشق ما هو مثل اللي ما عشق
ما يستمع للي يعاتبه ويلوم

لو يحلف الكذاب عمره ما صدق
والوقت طبعه يخذلك عند اللزوم
كم كنت خايف بعد مدة نفترق
الين جت فرقى تواليها هموم

كنت اشتكي لليل من الارق
واغطي جروحي لين انها تنوم
واركض ورى النسيان من ها المنطلق
وانا ادري النسيان محتاج لعزوم

حاولت انا بشتى الوسايل والطرق
نبقى مع بعض وسعادتنا تدوم
لو طاع رايي حسب ما هو متفق
ما جوه عذالي ولا جوه الخصوم

هو غالي الغاليين واجمل ما خلق
وادعت عمري قبل ما يرحل بيوم
اي والله احبه لاخر رمق
وانا اشهد انه كوم والغالين كوم