كلمات أغنية لاح براقه - محمد عبده و
مهرجان المؤسس لاح براقه
كنه يدعي هواه البل باساميها
في ظهر مزنت للخير دفاقه
لين قمنا نردد عز واليها
جاكم الخير ياعشاقه الناقه
قوسكم ماخذاها غير باريها
جهزو كل منتله وعملاقه
واكحلو عين هاويها ومغليها
حاكم كلنا في ضفه رواقه
من شمال الديار اليا جنوبيها
مثل نجم يسر العين باشراقه
لاخطت الناس يمتها يقديها
بعد ماراعي البل شانت اخلاقه
وانقطع سوق بايعها وشاريها
احتما سوقها ثم وسع افاقه
ماتضيع البل وسلمان قافيها
من يشوف الغناه ومامعه طاقه
اغنته ناقته لا باع حاشيها
وعزها اللي له العربان تواقه
راعي الرؤيه العظمى وحاميها
من كثر مالعرب لرضاه منساقه
علقت فيه قادتها هقاويها
ماورد للحرايب يبغي ذواقه
ورد يشرب معكرها وصافيها
مثل سيل يبوج الارض صلفاقه
لا وطاله على ارض بان خافيها
فعل جده على درب العلا ساقه
رابط حاضر الدوله بماضيها
شبل عبدالعزيز اللي ثنا ساقه
لين وحد سواحلها وخباريها
كبر داره وكثر اعداه ماعاقه
احتما البل ووردها مفاليها
واعتمدها ضمن خطته وسياقه
وقال هذي حضارتكم ياباغيها
زينه القفر لامن طالت اعناقه
كن ربي ببشت الخير كاسيها
من فقد حاجته واشتد به فاقه
اللحم واللبن وابشوتكم فيها
كيف ما يصير للذيدان عشاقه
والكرم يمتثل في راس مهديها