كلمات أغنية سمو المجد
- كلمات
- تركي ال شيخ
- ألحان
- نواف عبدالله
يا سمو المجد يا محمد كفو
مالها غيرك على طول الزمان
وانت نجمك من علو الى علو
لين تاخذ في السماء اعلى مكان
يا محمد ما احد زيك ولو
زان وجه الوقت والا الوقت شان
لك سفاين عز في شطك رسو
ولك شموس في سماء مجدك تبان
طيب الجدين من ام وابو
دايم عالي ومالك في الطمان
هيبتك هيبة ملوك الى حكوا
وكل قاسي لانظر هيبتك لان
بالدهاء مايوقف بوجهك عدو
وبالكرم تعطي الجزيلات السمان
كثر ماراحو لك العالم وجو
مايعبر عن مكارمك اللسان
في بحر خيراتك ادلو بالدلو
لين صرت لخايف الدنيا امان
والسماء لو غايمه والا صحو
المراهن معك مايخسر رهان
ياوزير دفاعنا عن كل سوء
في يديك الدار مضمونه ضمان
من طناخة راسك ومثلك كفو
انت فارس حرب وجيوشك حصان
قودنا يا محمد بن سلمان لو
راحت الارواح في حرب وطعان
انت تامرنا ولو نحبي حبو
لك جنود شانها في الضد شان
تردع العايل وياتيه الغزو
قبل يتلو قايد الحرب البيان
وتحت راياتك تسامينا سمو
في ظلال العز في وضح العيان
ياوريث اجدادك اللي قد مضو
سيرة امجاد لها تاريخ كان
عدت سيرتهم ع هذا النحو
كنك تعيد المواقف والزمان
نادر ولا خابوا اللي بك هقو
في يمينك سيف والاخرى العنان
وكل عدوانك من السطوة كبو
طايحين بين خواف وجبان
ان رضوا والا عساهم مارضوا
انت نجم في ظلام الليل بان
وعهد ابوك الخير والقادم حلو
له من الشعب الوفي كل امتنان
ازدهار اف كل الاشياء ونمو
والربيع اقبل وعهد الخير حان