كلمات أغنية حيا الله
حيا الله اللي يواعدني ولا جاني
وانا معك يا حبيبي ما اسويها
ادري بك انك تبي قربي وتهواني
بس المصيبه وعودك ما توفيها
لا صرت ماني بالاول ما ابي الثاني
هذي طباعي ولا يمكن اخليها
باقي معك وقت يعوض كل حرماني
ما راح شي ياحبيبي تونا فيها
اول ياروحي تقول العمر يفداني
تقول لي كلمة ما كنت تعنيها
مدري بقلبك نساني او تناساني
بس الاكيد الموده انت ناسيها
هذي جزاتي ومعروفي واحساني
امد ورده لكفك وانت ترميها
اخذت مني احاسيسي واشجاني
تشرب من البير وتقط الحجر فيها