كلمات أغنية اشتاقلك

اشتاقلك واهواك وصل وقطاعه
واشتاقلك شوق الصحاري للامطار
اشتاقلك في كل لحظه وساعه
انت الربيع وشوفتك تنبت ازهار
فيكم هوى قلبي يزيد اندفاعه
حتى عبرت بحبكم كل الاخطار
ماغير صوتك ينطرب لي سماعه
ما غير وصفك فيه الافكار تحتار
لا شفت نور الخد يضوي شعاعه
مثل القمر لالاح في وقت الاسحار
لا سلهمت نجلك فقدت المناعه
يتوق قلبي منك ويبوح الاسرار
حبك ملى عيني وقلبي قناعه
وما بي سوى حبك لاصار ما صار
تامر وقلبي قال سمع وطاعه
مثلك يلبى مطلبه لو بالاعمار