كلمات أغنية ما بعد عسر الا يسر
امسحي دمعك يا الرياض
امر الله من فوق الامر
باكر ينورك البياض
وما بعد عسر الا يسر
لكل الوطن بي شوق فاض
يفداه راسي والعمر
يارب لحكمك لا اعتراض
لو طال بالهم السهر
وترجع حياه الناس فيك
تنبض بها كل الحياه
والله مانزعل عليك
زحمتك بتزيدك حلاه
تدللي كل يبيك
من قصر حكمك للصفاه
ولكل حي يحتويك
نبضك تميزه الصفات
يا المملكه ويش السواه
باللهفه والله نحتريك
بكرى ربيعك بالفياض
يختال ويصافح فجر
ومن جنوبك للشمال
الين غربك والسما
اشواقنا تنطق تعال
يا اعظم بلد يا امنا