كلمات أغنية تحملتك

تحملتك بما فيه الكفاية
ولا ظني ابتحملك ثاني
انا اتعبني تقصيرك معايه
حسافه ما توقعتك اناني

انا واضح معك من البدايه
احسب ان الزمن عل الكيف جاني
جروحك للأسف جت من ورايه
وحظي الي رفعني لك رماني

انا ادري وكل شي وله نهايه
وانا وانته بشر والعمر فاني
وما دامك ماتبي قربي وهوايه
حرام يضيع في قربك حناني

ابعرف بس وش ذنبي وخطايا
وابعرف ليه تخليني اعاني
وبكره انت تجي تدور رضايا
ولاكن مابغى منهو ما بغاني