كلمات أغنية اعذريهم

الكلمات : نقش حب الخال ترياق الحزين
ياحلاها لا استقرت في شِفاك

كاملة وصوفك وفوق الزين زين
وحبتين الخال زادت في حَلاك

لا لمحتك خوفي آصيبك بعين
اذكر الله كلما عيني تراك

في حضورِك كل نجمة ما تبين
بدر نورِك مكتسح كامل سَماك

واعذريهم مالقوا مثلك مَلاك

انتِ يامُتعة عيون الناظرين
بالجمال اليوسفي ربي حَباك

ماتغيرك الظروف ولا السنين
دام زَهر العُمر من ثوبه كساك

كل من جاور شِمالك واليمين
كرتهم محروق من واهج ضِياك

لا حكيتي جبتي العلم السمين
ولاسكتّي هيبتك طافت مَداك

الحلا والزين ياباهي الجبين
مالها موطن في مخلوقٍ سِواك