كلمات أغنية دنيا يا دنيا
دنيا يا دنيا ما كفايه اللى جرى
راجل وملو هدومه وفى البيت حاكماه مراه يادنيا
لما يقابلك ياسلام
زى بتوع الافلام
واخد الرجوله كلام
وشياكه ومنظره
دنيا يا دنيا ما كفايه اللى جرى
روح عنده بص وشوف
تلاقيه خايف مكسوف
هى تقابل الضيوف
وهو يرش المندره
دنيا يا دنيا ما كفايه اللى جرى
لا يسترجل ولا بيفوق
سايب لها الزمام مطلوق
وتاخده معاها السوق
تعمله يا ولدى قنطره
دنيا يا دنيا ما كفايه اللى جرى
راجل وملو هدومه وفى البيت حاكماه مراه