كلمات أغنية عيدي معك

سريت ليل البارحه ولا اعرف مسراي وين
نادتني اشواقي وانا غصب علي لبيتها

البوصله تشر توجهني طريق العاشقين
حدتني امشي في دروب من زمن ما جيتها

لاعيون من صارت وسط صدري تشابه الاكسجين
زانت بعيني دنيتي من بعد ما لاقيتها

حبيبتي قلبي معك في كل وقت وكل حين
اقبلت صوبك يوم غيرك مقبله خليتها

عيدي معك يا مهجتي يا جعلك امن العايدين
يا ثالث اعياد السنه يا مبتدى توقيتها
يا غايتي ف العمر يا رمز المحبه والحنين
احبك وكل الدروب اللي معك حبيتها

عن العذارى في شموخك واتزانك تفرقين
تعجز بيوتي عن وصوفك كل ما غنيتها

من كثر زينك تقدرين اتسلفين الغيد زين
وصايفك ب اعيش عمري ما بعد عديتها

يغار منك البدر في وقت اكتماله لو تجين
ويقول هذي حطمتني صدق يخرب بيتها

يا قبلتي ف الحب يا اغلى شخص بعد الوالدين
لو تنهدا الارواح روحي يا مناي اهديتها

أغاني أخرى لـدرع المري