كلمات أغنية يفداك قلبي

اخذيني من الهموم اللي تصاليني
خليني اعيش روحاتك وجياتك
اموت بك مدري انتي ميته فيني
متعلق بين بسماتك ونظراتك

لو قلت أحبك كلام وما يعنيني
من قال كثر الكلام بينقض شتاتك
غلاك فوق الكلام يبان في عيني
بتشوف شي بعيوني فوق هقواتك

فيني للأشواق موطا في شراييني
تستاهلين الغلا من طيبك وذاتك
يفداك قلبي وتفدا راسك سنيني
ياحايز الفكر كن اوقاتي اوقاتك

قلبي وضاري على الصولات من حيني
إلين شافك ووقع في محطاتك

لو تطلب الحاجة اللي وسط كفيني
ما قلت لا وربي فدوتك جاتك

عن حب هالناس حبك بس يكفيني
يا مالي العين من طيبك ووقفاتك

لا تشتتيني بزين الحكي واعطيني
بعض الثواني أتوه بـ سحر كلماتك

من بين كل البشر شوفك يهديني
لا صرت ماني بخير امشي مسافاتك
يا ويل حالي وانا اللي الوجد كاويني
لا صرت اشيل هموم صدرك و آهاتك