كلمات أغنية بالمهل تزيان الرحبة دحمان الحراشي‎

بالمهل تزيان الرحبه والا بغيت دير الصحبه
كل واحد عندو لعبه غير ميز و شوف قبالك
بلاك تامن قوم النصبه غير اللي يحكيلك خطبه
توليلك لحدوره عقبه دير عقلك هو ميزانك

تبت عقلك من هاد القوم بلاك تنعس بلاك تنوم
لازم تعرف كيفاش تعوم ورد بالك قوم النصبه
تبت عقلك في كل يوم كونك فاهم كونك مخدوم
بلاك تحسب الصغر يدوم ما تسلك غير الهربه
غير اللي يقولك واش تكون باش يصيبلك كاشي سبه

تبت عقلك يا سي فلان رد بالك هدا الزمان
رد بالك كاين عديان يقابرو في باب الدخله
تبت عقلك ميز وشوف رد بالك تدخل الكنوف
شحال فاتو قبلك الوف شحال جازو قبلك طلبه
شاور قلبك يعطيك خبار خود رايي غير اتخبى

تبت عقلك يا المجرب بلاك تسافر و تغرب
ترجع في حالك معدب يعود خيالك فيه الرهبه
تبت عقلك كون مادب ما تتقلق ولا تزرب
مايجيك صدع ما تشوف عجب ما تتكسر بيك الشطبه
اطلب ربي الحي القيوم وقول بركاني من الغربه

قرا كتابك وافهم الحروف تبت عقلك بلاك تحوف
ياك الناقص فعلو مكشوف هداك عمرو ما يتربى
تبت عقلك قيس و خمم واين ماشي واين تزدم
بلاك خير تولي مندم وما تفيدك حتى دربه
شاور عقلك يعطيك خبار وبلاك تقول هدي كدبه

بالمهل تزيان الرحبه و الا بغيت دير الصحبه
كل واحد عندو لعبه غير ميز وشوف قبالك
بالاك تامن قوم النصبه غير لي حكيلك خطبه
توليلك الحدوره عقبه دير عقلك هو ميزانك