كلمات أغنية الى كانك عوام دحمان الحراشي
الى كانك عوام ساعف الموجه في البحر
وساعف الزمان العام فيه اتناعش شهر
شي ظاهر يا انسان ما يفريها غير الصبر
شي ظاهر يا انسان ما يفريها غير الصبر
خد ماعطاك الرحمان اطلب الصحه و الستر
مكسي ولا عريان مرفه ولا بالفقر
اصبر على المحان خد ما عطاك السعد والزهر
واش قالو ناس زمان الحق لازمو يندكر
اجعل روحك حمام لي طابو حجارو على الجمر
ولا اجعل روحك في منام زاهي وضاوي عليك لقمر
كون فاهم يا انسان اللهم هدا ولا اكثر
كون فاهم يا انسان اللهم هدا ولا اكثر
الى كانك عوام ساعف الموجه في البحر
وساعف الزمان العام فيه اتناعش شهر
شي ظاهر يا انسان ما يفريها غير الصبر
شي ظاهر يا انسان ما يفريها غير الصبر
قبلك فاتو شبان كي بحالك وقالو اكتر
انت همك وين يبان يا الغافل ما جبتش شي خبر
القلق من الشيطان والميزان يمشي بلعبر
ولي قلبو شبعان عاطي الدنيا بالظهر
اجعل روحك جنان عطشان يسنى في المطر
ولى اجعل روحك سلطان ساكن في سريا وقصر
كن عاقل يانسان كاين مسكين لما فطر
كن عاقل يانسان كاين مسكين لما فطر
الى كانك عوام ساعف الموجه في البحر
وساعف الزمان العام فيه اتناعش شهر
شي ظاهر يا انسان ما يفريها غير الصبر
شي ظاهر يا انسان ما يفريها غير الصبر
يا لغافل رد البال كي تستر روحك تنستر
اسمع لهدا الفال باركه زياده في لعمر
الحرام ما يكون حلال دين الله يا اخي جهر
كل واحد واش يسال في نفسو بلاك يندعر
اجعل روحك برهان سعاده والحمد والشكر
ولى اجعل روحك فرحان في بابور ماشي لسفر
كن صابر يا انسان ولي ما يصبرش ينقهر
كن صابر يا انسان ولي ما يصبرش ينقهر
الى كانك عوام ساعف الموجه في البحر
وساعف الزمان العام فيه اتناعش شهر
شي ظاهر يا انسان ما يفريها غير الصبر
شي ظاهر يا انسان ما يفريها غير الصبر
أغاني أخرى لـدحمان الحراشي
- الحركة والسكون دحمان الحراشي
- بالمهل تزيان الرحبة دحمان الحراشي
- ساعفني ونساعفك دحمان الحراشي
- عذروني يا لحباب دحمان الحراشي
- غير لحب صلاحو دحمان الحراشي
- كيفاش ننسى بلاد الخير دحمان الحراشي
- لبهجة دحمان الحراشي
- ليدي حق الناس دحمان الحراشي
- مابيني وبينك دحمان الحراشي
- والله مادريت الغدرة دحمان الحراشي
- يا الحجلة دحمان الحراشي
- يا الرايح دحمان الحراشي