كلمات أغنية شجرة الدر

ياحي ذا الطله وياحي ذا الزول
وياحي وجه فيه رغد ومسره

تقر روحي لا لمحتك على طول
وللروح قره يوم للعين قره

ياشجرة الدر كل مافيك مقبول
من طقه اكعابك لحد الاغره

وشلون ابوصف وانتي اكبر من القول
وشلون اجيب من البحر كل دره

انتي جمـالك شي لله دره

الحرف لامنك نطقتيه معسول
ويزيد فيه الحسن مع كل كره

والليل لامنـك نثرتيه مسدول
ومع كل خطوة ينثني ويتشره

مالوم عين شاخصه فيك بذهول
حوريـة تعبر حـدود المجـرة

واليا مشت تحيي ثرى القاع وتجول
من حسنها يصبح لها الورد جره

والطله اللي لك من الحول للحول
تشفي جروح القلب مع كل مره