كلمات أغنية تاج الفخر
ماعاش من وده خفوقي يذله
ياللي انا وياك دوم انتشابه
يا سائل عنا ترانا الاهله
منزالنا بالعالي كل درى به
هاماتنا ما تنحي الا لله
وغيره ابد لا ما نحسب حسابه
باخبرك شي وفي البال خله
مانخسر احنا ننخسر ذي الاجابه
انشوم عن درب الردي ما ندله
وللحق وقوله عمرنا ما نهابه
واللي دخل بالقلب سماه خله
مرتاح يبقى فيه ودوم يهنى به
ومن راح عنا بظلم ما نلتفت له
ونمر عن دنياه مر السحابه
انسوي المعروف او ننسى محله
وما يوم فينا الود قد صك بابه
واللي يقدرنا ترانا نجله
يسكن وسط هالعين يا مرحبا به
تاج الفخر حنا يا عاذل نشله
متوارثينه لابة بعد لابه
مثل الشجر لو مات يتبقى ظله
اكبر دليل للعطا والصلابه
واللي بيطالعني نصيحه اقل له
بيتعب وهو يطالع شموخي رقابه