كلمات أغنية فات صبري

يا نود لا هبيت بالله تسري
على ديار بياس روحي محاطه
سير على اللي كان في وسط صدري
واللي معا شريان دمي اختلاطه

قله ترى صاحبك ما كان يدري
ولا خذا للبعد عنك احتياطه
عاش العمر والحزن فاليوف يجري
ومع السهر والضيم كان انخراطه

قله ترى لو يعتذر فات صبري
حتى ولو فالورد بين عياطه
ما عاد يقبل ورد عذر ووساطه

جرحي ندي وعيا مع الوقت يبري
ما فادته ضماده ولا خياطه
روح وباقيله بعيني وفكري
سكين غدر وذكريات وهياطه

على كثر ما هو خذا نص عمري
روح بدرب ما به الا الغباطه
قله ترا ما عاد فالبال يطري
غيرك جبر قلبي ووثق رباطه

يا نود لا هبيت مضحى وعصري
خذ مني شعوري وقول ببساطه
اني بخير اليوم وانزاح كدري
والقلب ما عاده يعيش انحباطه