كلمات أغنية اكاد من

قاعد في جنة وسط الفاكهه ملمع العصارة
راصص المارك جوة الدرج وكل لون بامارة

مستني الرزق ومسمي الله
يضرب القصبة بمستحده ضربه تقشر عقله عقله

جوة المكنه احلي ترس يقوم ساحبها واحدة واحدة
يفيض عصيرها وهوه نازل يلقي تلجه ساقعه ساقعه

يقوم حاضنها حضن دافي
بيدوبها زي قلبه في صوت حبيبه
والتهامي ع الكاسيت بيدي بركة

راجع بعد حجز كورة خلصت كل الطاقة
ماشي ببطئ وشكل وشي تريبل سني في البطاقه

شوفت المعلم علي الكاشير
وصنايعي واقف وسط كوبيات كتير

اديته المارك مسك الشوب رافع ايده لفوق بيصب
الصبه بتنزل تعمل رغوة تعمل رغوة بطعم الحب

الطعم حوار قلبي مطلع صوت مزمار
عصير قصب معمول بفن
نفسي اشرب شوبين تلاتة بس انا اكاد من

اكاد من فرط الجمال فرط الجمال اذوب