كلمات أغنية يا كثر خلانك

لو كل من هو قال أحبك يحبك

يا كثر خلانك ويا قل اعاديك

بعض البشر كنه من طيور سربك

يمشي معك عمره وقلبه مجافيك

ما حدٍ لأجل خاطرك يمشي في دربك

وما حدٍ يمد العمر في راحة إيديك

أحدٍ يقول الذنب لا أخطيت ذنبك

واحدٍ يقول فداك خفاق مغليك

لا زان وقتك زان للكل قربك

ولا شان وقتك ما بهم قلب يرضيك

إلا إللي إحساسه على نبض قلبك

يبيع كل العالم إلا أنت يشريك

إن ضاقت الدنيا تلاقيه جنبك

ما هو من اللي لين ضاقت يخليك

من قبل لا تشكي جروحك شعر بك

ومن قبل لا تبكي عيونك يواسيك