كلمات أغنية ضيقوا صدره

ضيقوا صدره وشكك في غلاه
وابتعد عني وكني لا احد
مادرى اني في هواها اطلب رضاه
اعترف لي في غرامي أو جحد

السؤال اللي قهرني وش بلاه
كيف ظن وكيف صدق واستبد
والجواب ان الوفاء طبعي معاه
ياخفايا الوقت هاتي مابعد

عند ربي علم هالبير وغطاه
عندك ادرى وش بقلبي من جلد
وعندي ادرى من يكابد في اساه
وعندك أدرى ما اطرد المقفي أبد

السعيد اللي تحقق مبتغاه
الحياة أرزاق واهبها الأحد
والتعيس اللي سحب همه وراه
غمض العينين واخطاء في العدد

انقتل حلمي قبل يبلغ مداه
حلم وردي حلم في وسط المهد
آه ياجرحٍ معك يصعب شفاه
ظالمٍ نفسك وظالمني بعد