كلمات أغنية حبيبي اسف

حبيبي اسف ازعجتك
حلو صوتك قبل لا تنام
سمعته وانشرح صدري
وكني شفتك بعيني
حلو كل الكلام الي
يجي من مبسمك انغام
يونسني وينعشني
ويجلي كل مافيني

خذاني الشوق لك ياذوق
الا يااحلى ورود خزام
الا يامتعة ايامي
مع شهوري على سنيني
صحيح ان العشق يذبح
الا يامصدر الالهام
وقلب تملكه دايم
على حبك يوصيني

احبك مملكة عمري
وحبك ثورة الايام
تمر سنين بعد سنين
حبيبي يا نظر عيني
تبين لك وسط قلبي
فيافي خضر وبيض خيام
ربيع العمر لك فدوه
رضاك اليوم يكفيني