كلمات أغنية اتخيلك

اتخيلك كيف كنتي بيوم لقيانا
يوم الاماني من اللهفه تنادينا

لو يبخل الحب ما تبخل عطايانا
لو غابت الشمس تتبسم ليالينا

اتاملك وادري انك عطر ذكرانا
تسال عن احلامنا واخر امانينا

كان الهوا دربنا والشوق مسرانا
كان الوفا عهدنا واصدق خطاوينا

من علم الوقت يكتب ناوي يقرانا
حتى الليالي تسولف عن اسامينا

ابوعدك لو قست بالحيل دنيانا
ما تبعدك والغرام اكبر معانينا

كن الغلا بيننا مخلوق ويانا
مثل الملامح تحسه باقين فينا

لو للسحايب نصيبن من هدايانا
هلت غيوم الوله من عشق اراضينا

بطمنك لو فصول الحب تنسانا
ما تجرحك والوفا يجمع ايادينا