كلمات أغنية ياهبايب نجد هبي

ياهبايب نجد هبي من عفيف اليا اللهابه
دوب عاد الهاجس الغايب عن الانظار مده
جابه الطاري وحر الشوق مدري ويش جابه
المهم ان الغلا باقي مثل ماهوب وده
الثقه بين القلوب اصدق من بروق السحابه
والعزيز اليا عطا له شي لا يمكن يرده
ومن قضى عمره على نهج النبوه والصحابه
ماخطف قلبه تدناق الغروب لبحر جده
ياغريب الدار لا تقسى على قوس الربابه
الشقى مكتوب والمكتوب مالك عنه صده
انت تشكي من وصل غاليك مدري من غيابه
والا انا سامح من اصناف العداوه والموده
ومتشبع من صغوطات الحياه المستجد
كن حالي حال ذيب له زمن ينقل صوابه
وكل يوم يراقبونه بالقصيره وام خده
ما يسرك ف الحياه الا الدعاه المستجابه
دعوة الانسان تجتاح الضروف المستبده
ودك الرجال مايلبس ثياب الا ثيابه
العرب تنقد على الرجال في مزحه وجده
ان قلط يقلط على بسط المعزه والمهابه
وان مدح يمدح حرار جالها فـ الجو هده
مثل ابو مروان جعل الله يطول في شبابه
الرفيق اللي ليا عدو هل الطاله نعده
سيفنا اللي سلته وقت الطلب تحما نصابه
والله ونعمين في حاضر نباه ولا تسده
ذاه ابن عاضه محمد فعله معطر جنابه
لا يشكك في فعوله واحدن ماهوب قده
عينه ليا شافت المعتاز قالت مرحبا به
وكفه تمد العطاء وتقول تكفى لا ترده
لو تنوش البحر كفه عود ارض مجرهده
واقفن دون البعيد وواقفن دون القرابه
كن في يمناه لصدوف الدهر معدال سده
حالفني لمدح الطيب لو انـه بعيد لابه
كيف لا صار شلوي ينتمي جدي لجده
عاد لا قلت الشلاوى زادت ضلوعي صلابه
ربعي بنوك النبا المحمود خلان الاشده
سعد من داجت عليه الخيل في يوم المجابه
وفزعة البل لا غدا من دونها روحه ورده
واعذاب اللي يوقف في نحانا واعذابه
ساعة فيها السرايا للسرايا مستعده
عادنا قوم كسبنا الطيب بعزوم وذرابه
ونحمد الله مارجينا من فعول الناس مده
فعلنا من سالف ابانا وهو جاري الكتابه
يثري التاريخ بالتاريخ من حده لحده
ودام لا كسرا بعد كسرا وش النا بالحرابه
يامنافسنا على التاريخ هد الوضع هده
قد ضربنا نجد بالقوه وخضبنا ترابه
يوم كان المجد دونه تسعه وتسعين شده