كلمات أغنية ياقوقل ماب وين الديرة الي مايجيها ارسال
- كلمات
- مشعل بجاد العتيبي
- ألحان
- خالد ال بريك
ياقوقل ماب وين الديره اللي مايجها ارسال
أنا ماعاد ابا الجوال والإرسال والديره
مثل مالارض تحتاج المطر محتاج راحة بال
ولاني والله ابمرتاح لين اعدي اسديره
بحط الديره اللي جابها قوقل على التمثال
لعل أنسى من اللي بعد حبه بان تقصيره
ابحذف غترتي وخذف همومي وحذف الجوال
ودور بعدها للخاطر المكسور تجبيره
أنا وشلون ابنسى اللي حلاها ماعليه أجدال
لو تشوف الجليله حسنها ماتت من الغيره
عطاها الله من فوق الهدب والرمش حبة خال
ليا من سلهمت بعيونها نقراء تباشيره
ورى ماتشوف يالسلسال عنق ثاني غيره
مع ان الوقت فرقنا ورحت لحال وانت لحال
لكن اللي يحب يعيش طول العمر في حيره
أنا ثنتين مافيها اتراجع لو وقتي مال
محبة من اود وخوتك ياطيب السيره
ليا ناداني عتيبي يبا يبشر بحال ومال
وذا عتيبي ومن بيني وبينه رفقه وجيره
فهد في خوته كل الخلايق تضرب الامثال
وعمه في وجيه الناس حنا نشوف تقديره
حراب وسمه ينافس على الطاله خلف هذال
ماهو في شعر في وقفات يامكثر جماهيره
وقوفه فيه عز وطيب لعتيبه وفيه إجلال
وقوف المنذر النعمان دون العرش فالحيره
ليا منه ضرب صدره وقف ون قال قوله طال
تسوقه لونعم والاوله دايم سعاطير
وش يكون الفرات ونهر دجله مع كريم سبال
مع اللي نهر جوده عم كل الارض من خيره
ويلقى واحد فالجود مايحسب مخاسيره
هلا يامرحبا ترحيبنا اللي من سنين أطوال
يشوف الضيف في ترحيبنا قدره وتقديره
في محفل خالد وخالد على اسمه ونعم ينقال
هذا اللي من كرمه يحط كل خلق في حيره
عطاوي حط له فوق الثريا والجدي منزال
وربعه تعتبر نجم الجدي أقصر مشاويره
بني عمه جبال راسيه ماهي بئي أجبال
رست ماهمها صف الهوا ولا معصايره
مقادم روق والروقه يمانيهم يسوف اصقال
يمانيهم تجيب اللي تبي بسيوف وذخيره
من ايشوف الدراهم والعقار اليوم راس المال
مع الروقه نشوف المال حنا حاجة إصغير
ليا جت للوفا والطيب والا جات للأفعال
ترا الشاهد على الأفعال نجد ومنهم أميره
بعد ماربعت نجد العذيه من مزون إخيال
عليها قامت اعتيبه تسوق إخيول امغيره
خذتها بالسيوف الحدب ماجت من ورى تحتال
ولا مسى اميرها إلا بعد مافلت مغاتيره