كلمات أغنية هامات الوضح

تهاض الفكر وان هاض من هيض الضمير
البيوت العوب في خاطري تدوي دوي
اتخير فالنوادر وانا فيهن خبير
لاوسمت خيارهن ماحدن فيهن غوي
ياهل فحول المغاتير مامعنا خشير
شوطنا كايد ومن دونه الذيب يعوي
الوكاد انه عليكم من عجيم النذير
من تولوه المرازيق بيروح ثعوي
لابتي يوم المناويخ والشر الشرير
كم عقيدن في نحاهم سجله ينطوي
ياحسن قرب الوعد وانت للابه سفير
شايب ن ندحم بك القوم والفعل ارهوي
متعب ن فعلك هل الطيب والراس حموي
وانت ياذيب المواقف ويالاسم الشهير
اصوكن فيك المدايح تليق وتستوي
ماعلينا من غثا الوقت لونه عسير
دام راسك حي واسمك يجي له مطروي
اقربو ياهل المغاتير ماعنا مطير
مانقلط غير ندر الوضاح النخبوي
من طمع في الاول ان طاع شوري يستخير
من يطاولنا يغادر عن رماح جلوي
اقبلت بنات هامان والجمع الغفير
تعطي اهل الزين متعه ودافع معنوي
يوم وصلت تهتوش كنها تاطا السعير
النوادر عودت عند اهلها مقنوي
كل وضح ن ضافيت وجه وسناد ونظير
ماتعين عند تاجر ولا عند ابدوي
اشهد انها غير بالحالها والوضح غير
ماتولوها هل الشغل والليل اسروي
عندهن ذيب ن للخصام زاويهن زوي
دام راسه حي وبخير فالدنيا بخير
ايحدا لاهل المغاتير ويشب الضوي
والوعد في ساحه العرض لاقر القرير
ساعه وجه المنافس يشين ويلتوي