كلمات أغنية دفنت اسرار عمري

عن البيت المطرف طرفوبي ياهل المعروف
انا لي عام ادور عنه تشريقه وتغريبه

دفنت اسرار عمري بين جدرانه وانا مصروف
ورحت وباقي الذكرى القديمه في سراديبه

قصرت الرجل عن دربه وعن شوفه قصرت الشوف
وخليته وانا في خاطري علم بيبطيبه

عقب ماكان امان اليوم اشوفه بين امان وخوف
فقد كل الامور ولابقى الا العز والهيبه

تعرضت الزمان اللي منطحني مشاهيبه

طلبتك لاتطري غيبتك ياضامر السرجوف
بديت اخاف من وقت الفراق وطاري الغيبه

تراك اللي بقى لي لاتخليني وانا ملهوف
غيابك يفجع القلب الشقي وفراقك مصيبه

معي قلب بدوي عارضه هم وعنا وصدوف
وميلات الزمان الصلف تقبل به وتقفيبه

لاشفت الحر يكفخ بالسبوق وبرقعه مكشوف
قصر عنه العلف والصيد مايدمي مخاليبه

عرفت ان الحياه اكثر مكابدها تعب وظروف
ياقل اللي على مر الزمن تصفي مشاريبه

واجنب عن عيون الناس لاعينت تجنيبه

اثر بعض الكلام المعتبر ضربه تقول سيوف
ومن ياخذ كلام الناس بيوديه ويجيبه

يعوضني عنه رفقة شجاع للوفاء مشعوف
لو يدور الزمان الشين مايترك مواجيبه

تقاسمنا المحبه والمراجل والغلا منصوف
يجاريني بطيبه من كرم راسه ومن طيبه

هذا عبدالعزيز الشهري اسمه مايجي محفوف
هذا معزب وسبع انعام لاضاعو معازيبه

ابو فايز بوقفاته يكفي عن ثلاث صفوف
يزين الشعر في طاريه من سبكه لتركيبه

ليا منه وقف قال الردا من سلمنا محذوف
لو يجف البحر ماجف ريقه من تراحيبه

هو اللي في مجال الطيب مايطلع عن المالوف
على مثله تهون الكايده لو كانت صعيبه

مواقيفه كبار وقلبه ابيض من بياض الصوف
مايحسب للحياه القاسيه لامس اشانيبه

بفزعاته تحس انه عن احوال البشر مكلوف
ومن ينصاه في وقت الطلب حقق مطاليبه

يجيه اللي ظروف الوقت والدنيا تلوفه لوف
ويرجع والسعد والخير يصبح به ويمسيبه

مرابي ديرته وسط الجنوب وسمعته للجوف
يكافح دون وجهه لو مايبقى شي في جيبه

بني شهر الرجال اللي على القمة ماهمب ضيوف
تعلو في سنام المجد واحتلو مراقيبه

قبل وقت السلاح وضرب الاعدا بالكلاشنكوف
لهم فعل على نحور العدا بانت مضاريبه

حوافر خيلهم وقت الحروب تقول دق دفوف
تدك القاع يوم الوقت الاقشر عاوي ذيبه

معاديهم يخلونه علف للمخلب المعكوف
ياكم من فارس ساوو براسه مع عراقيبه