كلمات أغنية جسر الرصافة
- كلمات
- احمد الجويدي
- ألحان
- خالد ال بريك
سامريني يا هوا بالي على جسر الرصافه
وأطربيني في غناك العذب ما قالت شفاهي
ما يلام اللي يحطك سيدة قصر الخلافه
التباهي ما يليق إلا على مثلك تباهي
عاشقك لو كان لاحقته من الدنيا جلافه
ينهزم قدم الرموش السود والنجل السواهي
شاعر تهتز من شعره عرب ما اهتز قافه
مايجيب إلا القصيد الي مع الشعار ناهي
بس قانون الخرافه دايم عكس اتجاهي
مالحق نفسي هوان ولا دخل راسي ضعافه
والدروب العوج في عيني من كبار النواهي
كل شي من وراه المسكنه نفسي تعافه
اتركه من عزة النفس ويعوضني الاهي
مجتمعنا صار فيه بتالي الايام آفه
عادة منها يضيق الصدر وتثير اشتباهي
التصدر بالمشاهد بين خبل وبين وتافه
استخفوا بعض عقال العرب مع كل فاهي
اترك اللي يتبعون اهل السفاهه والسخافه
واذخر اللي بالمراجل ما يضاهي له مضاهي
راهي راسه وكفه في سما الامجاد راهي
راسه يكيف على الفزعات من كثر الانافه
ماتكيف راسه الدله ولا براد شاهي
بيني وبينه مزارق طيب واعده اضافه
من كرم طيبه عليه حافظ قدري وجاهي
يتجمل ويتعذر لي على قل الكلافه
المكارم في جنابه دايم تشد انتباهي
في معاريفه ما دور ميديا والا صحافه
فدوته منهم مواقفهم على حسب المشاهي
كلمته كنها دوي الرعد لا رج ارتجافه
وكفه يبل الأراضي السبع وتسيل المناهي
لا حضر كل الرجال الصامله راحو خلافه
من شبابه سابق جيله على الامجاد ضاهي
ما يحسب للصعاب ولا يحسب للمسافه
يصنع إنجازات وامجاد بها شامخ وزاهي
قصره العامر بـ جده اكبر قصور الضيافه
يعمي عيون الحسود ويكحل عيون الدواهي
طيب انس حتى الكفيف اللي ماشاف النور شافه
الفعول موثقه والصيت بالأرض امتناهي
خطو اسمه في عنوانين المديح وفي غلافه
اتشرف في مديح الكفو وافاخر واباهي
صاقله شيخ المكارم والتواضع والثقافه
الدواهي ما تجيب إلا على الدنيا دواهي
الحجيري ما يضام اللي يوقف في ضفافه
راس عود عن علوم المرجله ماهوب لاهي
من قضاة سليم لا من صار بالوقت التفافه
يعطي حقوق الرجال ولا يقدم عذر واهي
يا سليم العز واحفاد الصحابه والحصافه
نصرة محمد رسول الله والدين الإلهي
منبع الأبطال وأصحاب الشجاعه والصلافه
ما ترد جيوشهم ولا يردون الجواهي
يوم غارات القبايل والغزاوي والحيافه
والتواريخ العظيمه والمفاخر والتباهي
كاسبين المجد من يوم الجزيره في مخافه
وكل يوم أمجادهم في زود ما تبقى كماهي