كلمات أغنية النجومية لها خالد

عشت ياراس ورى حلمك تعد العده
لو ظروفك كنها في عثرتك ملزومه

خل عنك اللي ماعنده غير كثر نشده
وين رحت ووين جيت وكيف وضع النومه

ابك انا مانيب فاضي للكلام ورده
منشغل في فك شفرات الزمن ورقومه

وإن وصل همي من ظروف الزمان اشده
قلت ياجعل الديار الخاليه مرحومه

ماغبطت اللي هوى باله يزيد خصومه

ودي اسج القدم فيها واغيب مده
ماهو بـ جوي ضجيج الديره المزحومه

ياعساني من ليا من غاب يحفظ وده
وإن قدم يشبه هماليل الخيال قدومه

الفرص واجد ومن يبغى الفرص من رده
السعي ماعارض إن ارزاقنا مقسومه

ومن جلس متعذر بـ حظوظه المنلده
لا يلوم الفرصه إن فاتت وهي مظلومه

حي من جاب النجاح بـ همته وبـ جده
ولا تراخت قدم صكات الصعاب عزومه

مارجع إلا بـ متنه نجمه من نجومه

النجوميه لها خالد وخالد بده
يامقدم عن نجوم المرجلة معلومه

راس ليا من طرق باب الفخر من قده
وإن رما سهومه على اهدافه تصيب سهومه

امتخرج من مدارس طيب ابوه وجده
قبل يتخرج ملازم للوطن ولزومه

الليالي عن طموحاته ماهيب اتحده
وإن عصت يجيبها بالهمه وبالهومه

إبن هندي وايه هندي ما يعرف الصده
فاللزوم اللي مايبغي غير طيب القومه

قومته تنهي صعاب الامر وقت الشده
والشدايد قدم مثله كلها محسومه

كل ماهمي نوى لي هجمة مرتده
ازهمه واوقف قدم همي وارد هجومه

من كثر ماله جمايل ماهي بمنعده
من يعد الوبل لا سمت ثقال غيومه

اتفاخر به وجزل المدح فيه اعده
ولايمي في مدح إبن عمي يوفر لومه

من دهايا ربعي اللي حرهم فالهده
صيدته مجد تليد وعادته من يومه

ربعي العضيان اهل شده حماة اشده
بالعزوم اللي تزعزع شمخ مزمومه

طيبنا لو ينكتب كل الورق ما سده
وجودنا وبل السحاب مسولف بعلومه

وحدنا حد الصقيل اللي يروع حده
كم جيوش عودت دونه وهي مهزومه

ياعذاب اللي اهل عمهوج كانو ضده
يوم صاحبهم ماعمره شال هم همومه

وعن مكانتنا ضعيف العزم تقصر يده
لا يحاول لو يقوم ويحتزم في قومه

من يبي يوصل مكانتنا ماهو من جده
ولا هو بـ واصلها حتى بعد بحلومه