كلمات أغنية المطر يغسل الارض ويغسل القلوب

مدري وش الرابط مع المشتاق في وقت الغروب
ليه الغياب يدخله من بعثره في بعثره

وده يتوب من اكثر التفكير وازرا لايتوب
يحارب التفكير والذكرا عسى الله ينصره

يدور الراحه عن الازعاج ويدور هروب
عن زحمة توجع صليب الراس وتجيب خبره

ويلي على المنهاج والسجه مع وساع الدروب
والمنظر اللي مستحيل ان العقول تصوره

ايخلي القاع السناويه سوات المنظره

يمشي على هونه تقول انه على المشي مغصوب
صوت الرعد يرسل مناديب تعلم بمطره

برقه يبشر بالحيا والخير في غر النصوب
يدور اللي يطلب الله بالمطر ويبشره

على ثراه يبين وسم الخير وتفز العشوب
واللي يجهز عزبته واللي يجهز موتره

البدو تمشي في هوا البل من شمال ومن جنوب
كم واحد جيبه مايبرد في هوا الذود كفره

واليا اختلط ريح الخزامى والزهر من كل صوب
كن الهوا لاهب من ريح العبير معطره

ولايخلي من هموم الصدر مثقال شعره

وبله هو اللي يزرع الضحكه على الوجه الشحوب
كنه يسوي للعروق وللخلايا فلتره

لكن رجانا فالله المعبود علام الغيوب
اللي تحت عرشه مقادير العباد مدبره

ياطيب حظي يوم اعرف اللي يعرفون الوجوب
سمعتهم العطره سوات الطيب وسط المبخره

اللي يقول النير واحد مانقول انه كذوب
لكن هذا ذنبه على جنبه عسى الله يغفره

النير ولله راس روقي مقدر ومحسوب
اليا بدا الماجوب مالقى المواجيب ظهره

عند المراجل يبذل المجهود والراس معصوب
جعله فدا اللي روسهم عند اللزوم مخدره

هذا هو الفزاع والوراد والعد الجذوب
اللي ليا طرو وسبع انعام لازم نذكره

سوقو له الفنجال من صفرا على النار الشبوب
يستاهل اللي بالقناد وبالبهار مبهره

فعلك يابن نشار مايخفى ولاهوب محجوب
واسمك هو المعنى الحقيقي للثنا والمفخره

انت المكمل والمجمل وانت حلال الكروب
وانت الرفيق اللي لساعات المواقف نذخره

عبيد ابن نشار عقب له مطاليق تنوب
اتنوب عن من عاشت اذكاره وهو فالمقبره

يابو فهد وانت الجناب الدمث والراس الطروب
في كل يوم تزيد نوماس وطناخه ونعره

اسرفت في بذل العطا والجود يالصدر الرحوب
واللي سواتك كرمة يمينه ماهيب تخسره

اتقلط اللي من شحمها ماتقوم من العصوب
والحاشي اللي دقة محيسن تدقه فنحره

مير افخري واستبشري بالخير يالبكر اللعوب
في ضف قرم دون وجهه مايسوق المعذره

مايقني الا الغارب المنقاد وعراض الجنوب
زينن طبيعي مايبي تعديل ولا سمكره

تومي مهادلها مع الغربي تقول كموم ثوب
ياطيب راس اللي محضرها وياطيب نظره

جواهر الشعل اسمها محسوب والاسم مهيوب
لادكت الميدان وحدتهن سوات الجوهره

تفخر بفعل العزوه اللي يوم صولات الحروب
من فعلهم راحت ميادين المغازي مجزره

ربعي عتيبه محتمين الذود عطبين الضروب
يوم اذكر اني منهم افخر واحمد الله واشكره