كلمات أغنية الرفيق السنافي
- كلمات
- حسين العبيوي
- ألحان
- خالد ال بريك
هاجس يجبر الشاعر يصير معزول
بين نظم القصيد وبين رسم الخيال
ياظروف الزمان وياثقال الحمول
ماارتخى المتن من شيل الحمول الثقال
لو يميل الزمن ماجا بعزمي ميول
عقب الي ليا ضاق الزمن فيه مال
بين سود الليال وبين قرع الطبول
امتعود على الضيقه وسهر الليال
ويبدع الهجس فالطيب كريم السبال
للرفيق السنافي حق حتى نزول
مفردات البيوت بطيب فعله تقال
مانسينا فعولك ياجزيل الفعول
انت عبدالعزيز الي فعولك جزال
والله انك يابو متعب تقول وتطول
اشهد انك لفعل الطيب مضرب مثال
ربي اللي وهبك المعرفه والقبول
واليدين الكريمه مع زحول الرجال
سيرتك كل ليلة بالمجالس تجول
في مقر الرجال مبهرين الدلال
تزرع الطيب بدروب الوفا والكمال
ومن يخاويك راسه مثل راسك يطول
ومن يبي يفعل فعولك ماعين مجال
ومن يجاريك يتعب لين عاد مخذول
ومن تحداك يبغاله سنين طوال
الكرم فيك فطره ياسليل الزحول
يالكريم المعرب من عمام وخوال
الصعب بينك وبين الفخر مايحول
جامع في رصيدك طيب راس ومال
صاب الاخصام من جدك وفعله ذهول
في جريان تفخر يابعيد المنال
التواريخ ياسبيع الدهايا تقول
انتم اهل العشر مافيه شك وجدال
وانت عبدالعزيز الي فعولك تهول
والله انك بعيني يارفيقي لحال
ومن يشكك بطيبك قال عنك مهبول
كان طيبك هبال الله يديمه هبال
ومن تربا على العليا استعاب النزول
منزلك يارفيقي في علو الجبال