كلمات أغنية الختم الاداري
- كلمات
- عايض بن مسحل
- ألحان
- خالد ال بريك
ياقمر نصف الشهر لو تكشف وجيه الغداري
ماكشفت اللي تخفيه المعاليق الحزينه
الليالي ماتروف العاشقين ولا تداري
تضغط الرجال لين يبين حزنه في جبينه
والغياب اللي يهد الحيل ويجيب الطواري
مايزيد الا اشتياق ولايزيد الا غبينه
لاكن الرجال يصبر ويتحمل كل جاري
لايقول الوقت عناني وتتعبني سنينه
ما اتشمت به لاكن الله على الدنيا يعينه
اكبر اهمومه يلف الجيب بالعزل الحراري
ويتشخص لجل يرضي ف السناب متابعينه
شيخته ماتاضح الا لاخذ البنك العقاري
من يجيه يزيد همه مستحيل يسد دينه
اترك اللي ماتكلم غير ف الوضع الحضاري
وازبن اللي لانصيته شفت ضحكة حاجبينه
ماتعذر ف اللوازم بالحساب الادخاري
والشواهد ياوجيه الخير تبدا كل طاري
مانجيب الا الصحيح وكلمة الحق الثمينه
كيف ما افخر في فعايل خالي الطيب واماري
والكرم مكسب يمينه والشحم يزهى يمينه
احتزم يابو محمد لو ورا الطرقه مساري
في ولدك اللي على الطالات ماتقصر يدينه
واعتبرني ثالث عيالك وانا قد اعتباري
مثل مايعتبرك ابن اخيك ثالث والدينه
والله اني يوم اماريبك ومن زود افتخاري
كني اللي حط من بين الكواكب منكبينه
وانت يامحمد ولد جبار للامداح ضاري
اسمك اسم العود والفعل المشرف خابرينه
في زفاف الغالي المطنوخ ما اسوق اعتذاري
ذاك اخوي ومحزمي وسلاحي الله لايهينه
لاطرا لي ف الحياه علوم والوضع اضطراري
قال انا دون الحياه وساق لي نفسه رهينه
فيك ياعبدالله امن ابوك لمحات ومواري
ماتقول الا الصحيح ولاتمد الا السمينه
بعدها يامرحبا وعداد ماغنا القماري
بالضيوف وكل ضيف نحشمه ومقدرينه
في محل عمده راعيه بالختم الإداري
القرار اللي لضيفان الكريم معمدينه
والمجالس ماتقفل كنها القصر الوزاري
مجلسا ف علو دجنه فيه مثله ف المدينه
بقمي نعتبره اكبر مفادي وانتحاري
دون صبيان البقوم يصغر الدنيا فعينه
سيرة سهوم المنايا ماجهلها كل قاري
مجدنا في صفحة التاريخ يتعب كاتبينه
يوم كان الوضع مايحتاج له بايع وشاري
سيفنا ينصا ديار القوم ويزيد الضغينه
كم عقيد قال انا في ديرتي واحما دياري
مادرا الا عزوة سهوم المنايا منزحينه