كلمات أغنية البطل ابن لبدان

يا محيي الغصن لا جا في ورقته ذبول
ما غيرك احدن لوجهه نسجد ونطلبه

من دون قوتك ما للخلق قوه وحول
في ساير الكون من مشرقه لا مغربه

عفوك ولطفك وحسن الخاتمه والقبول
لنفوسنا اللي مع تقصيرها مذنبه

الشعر صدقه مثل نحت الصخر ما يزول
عز الله ان اصدقه لا جا الصحيح اعذبه

مدارها في السماء وانجومه المرقبه

تحمل بطياتها اسم اللي شبوره تطول
فالساعه الحرجه وفالوقفه المتعبه

هذاك والله ولد عوضه كبير الفعول
اللي مراجله من جزل الوهايب هبه

حمد على طاعه الله جعل عمره يطول
ذخر القبيله لاجات الفزعه الموجبه

واخوانه عضوده اللي فالنوايب فحول
تفرق لاسامي لكن افعالهم تشتبه

والعود والله جملنا اللي يقول ويطول
مثله وشرواه تبطي البيض ما جات به

وروس القبايل تحسب حسابه وتحسبه

اي والله ان امدحه وان امدحه وان اقول
انه البطل وان قبايل ياااام تعتز به

امضا من السيف فالفزعات ماهو كسول
لاشناب تذعن لابوثاعي لا مس شنبه

هذا من اجمالنا اللي ترتكي للحمول
وامجرب موقفه وامعرب منسبه

هذا هو الشامخ اللي مايعرف النزول
جعل النعيم المقيم لشايب دربه

يكفي انه اللي يلا كبرت على اهل العقول
يقوم بالحمل ماهو يرتخي منكبه

ومجمل كل ما تصعب علينا الحلول
في كل مكسب جميل وكل عتق رقبه

كم حاير في زوايا محكمات القفول
بعد الولي شاف حيه والحياه سببه

لو لاثرياء يدفعون ويرهنون الاصول
ماوصلو الي وصله ولا حد ن قربه

هذا هو وذي فعوله كل ساعه وحول
مجد ن يخلد وتاريخ الفخر يكتبه