كلمات أغنية احب نجد
- كلمات
- عبدالهادي ابوديه
- ألحان
- خالد ال بريك
لبيه يانور البروق مسامرة دهم السحاب
اللي بعد مالاحت نشوف الدياجير اسفره
ياجعلها تمطر بسقيا خير لا سقيا عذاب
اخيالها يستبشرون اخوان بدوى باخبره
ساعة تحدر اسيولها الدفق من خشوم الهضاب
نشوف ماها لاجرى فالارض مثل المنظره
تعم في نجد العذي مرب تلعات الرقاب
ويفوح طيب اورودها من دون جمر ومبخره
اللي ماتقدر خبرة اكبار الاطباء تجبره
احب نجد وسلوة اعماقي مناكبها الرحاب
فيها الشعور متيم وتملك من الحب اكثره
شعبانها الخضر وسماها اللي مثل بيض الثياب
منها يحس الضايق ان صدره مثل مد انظره
نوماس اخو نوره وريث الملك بجاد الصعاب
الها على الاوطان في ظله شموخ وبختره
من دون رايتها يهل الوبل ويحوم العقاب
تشمخ بتاريخ من اعماق المفاخر مصدره
دار الملوك مخضبة الاجرب شديدين الحساب
اللي لهيبتهم على اعز الممالك سيطره
اصوغها وانحت صفا الابداع واغوص ابحره
اصهل على منابر الابداع وعيوني احراب
بالنادرات ملبسة الامجاد بشت المفخره
ماشاقها الا الاصوك المتسلسل من اسود غاب
شيخ لاكاد الامر واستصعب بعزمه يقدره
نايف بن بجاد بن مقعد لاتقدم مايهاب
متفرد بذكر جعل قسمه من المجد اكبره
يمناه في يوم الوغا تضرب مثل شلفا ذياب
ماكنها إللي فالعسر غيم ماينكف امطره
مواقف الغرمول تفتح للثنا والمدح باب
يستاهل اللي فاتح باب الكرم ماسكره
من طيب راسه يمدحونه فالحضور وفالغياب
مدايحه فضايل بين الرجال موقره
راس ارحماني نباه ينومس وقوله صواب
مع خيرة كبار الفعايل فعل يمناه اظهره
لاعودت من بين ضرس وناب بسم الربع ناب
اليا انفهق من انفهق مايعطي العلم اظهره
من راس عود ماقصر من يوم شب الين شاب
قرم هقاوي راسه تهوز الصعيب وتدحره
ابجاد من صفوة بني عمه مناويخ الركاب
الحال قبل المال في يوم القسا مايذخره
سلايل اللي يطبخ راسه بصملات الذياب
رميم ابا الذيدان يضرس يوم للخيل اغبره
اعداه لاعن السبوق وفارق السيف الجراب
ترما من ظهور الخيول اليا بطون المقبره
ذخر الغراميل الكباريه عزيزين الجناب
روس الرحامين بمديح الماجدين مبدره
عز البقوم اللي هقاوي العز فيهم ما تخاب
الضيف تكرم لحيته والخصم تلعن كوثره
صمالة شيبانهم لاثارت الهيجا شباب
روس تقادح فزعه وهيبه وطنخه وانعره
دون تربه يوم ان باشا الترك ابو دقله وكاب
حول عليها بعثروا جيشه ودقو منحره
لاصكت اسهوم المنايا فارق العقل الصواب
رجالهم ينطح من ادهى القوم خمسه وعشره