كلمات أغنية على شارع الحله
- كلمات
- حمد المغيولي
على شارع الحله وانا اراقب الفله
عرض لي عساه الخير من ياسم العرقات
على كبدي اللي تجحد الغيظ والعله
كواني وخلاني عليه اجذب الونات
تقبل مغيب الشمس يمشي على ظله
ضحى والضحيه منه انا طحت بالمثنات
حدث بي عقب ماقفيت يافاتني خله
الاواعذابي منك ياشمعة الزينات
انا اللي عيوني تزعج الدمع وتهله
جرح خدها اللي حدها تزعج العبرات
غزال تغطرس بالحلى والغلا كله
يسوق المنايا سوق ويتابع الغارات
تجزل بها اللي بالحلى محسن دله
عذاب العيون عيونه اللي كما الساعات
الى اقبل يداني خطوة الرجل ويتله
اقول الحياة اللي بقت مالها لذات
اقوله وانا ياغافر الذنب والزله
ليال الشتاجزرتها هاجس واسكات
احسب نجوم الليل واسهر على الدله
فريد وحيد شاب راسي من اللوعات
الاياهني من ناعم العود مصخ له
ارفه على نفس طنت من زمان فات
ورى ماتعاملني على الدين والمله
حرام عليك ان مت مقهور مع من مات