كلمات أغنية الوقفه المميته

قم يانديبي واخذ نظمي وقافيته
بعض اللوازم قليل الوقت يلهيها
اركب على اللي يوسع خاطرك ليته
اللكزس اللي بعيد الدار يدنيها
يازن على قامتك سكانه وسيته
يرفع لناره ويجمعها ويرخيها
يلف نوره معك لامنك لفيته
كنه يدور رضا نفسك ويرضيها
نصه شجيع كريم ذايع صيته
حر قطامي مخالبه العشاء فيها
انص بن جخدب وعطه العلم لاجيته
بندر وعطه اول علومي وتاليها
يطرب لها راس سامعها وقاريها
جاء لي غلام وعلى المنعور سميته
بندر رعى كلمة لاقال يحميها
يافي بما قال في حله وتوقيته
يقلط على الكايده دايم وينهيها
مجده تليد ولا يحتاج تثبيته
قصة فعوله ترى الميدان يحكيها
اليا وقف للعدو وقفاته اميته
يكحل عيونه ويملاها ويعميها
واليا وقف للرفيق ايحقق امنيته
يشوق عينه ويعجبها ويطغيها
سعد الضيوف وعجبهم لانصوا بيته
حتى عيونه لمن ينصاه يصخيها
وبالاسم من بين خلق الله خصيته
سمي الاجواد يحسب من عوانيها